نیو یارک مئیر کے انتخابات میں ریپبلکن امیدوار کی شکست کی وجہ کیا؟

نیو یارک(5 نومبر 2025): امریکی صدر ڈونلڈ ٹرمپ نے نیو یارک مئیر کے انتخابات میں ریپبلکن امیدوار کی شکست کی وجہ بتادی۔
امریکی صدر ڈونلڈ ٹرمپ نے سوشل میڈیا پوسٹ میں لکھا بیلٹ پیپر پر میرا نام نہیں تھا اور شٹ ڈاون کی وجہ سے ریپبلکنز جیت نہیں سکے۔ انہوں نے ایک اور پوسٹ میں ریپبلکنز کو واپس کام پر آنے کی ہدایت کی ہے، ٹرمپ نے پوسٹ میں لکھا کہ ووٹر ریفارمز کئے جائیں، ووٹر آئی ڈی لازمی قرار دی جائے، ڈاک کے ذریعے ووٹنگ ختم کی جائے اور کانگریس میں بل روکنے کیخلاف قانون کو ختم کیا جائے۔
نیویارک کے میئر کے لیے ہونے والے الیکشن میں ٹرمپ اور ریپبلکن امیدوار کو جھٹکا لگا ہے اور ٹرمپ کی بھرپور مخالفت کے باجود ڈیموکریٹ کے مسلم امیدوار ظہران ممدانی نیویارک سٹی کے میئر منتخب ہوگئے۔
واضح رہے کہ نیویارک میئر کے لیے آزاد امیدوار اور ٹرمپ کے حمایت یافتہ اینڈریو کومو نے الیکشن میں اپنی شکست تسلیم کرتے ہوئے ظہران ممدانی کو مبارکباد دی۔