5 لاکھ روپے تک ودہولڈنگ ٹیکس ادا کرنے والوں کےلیے اہم خبر

اسلام آباد: 5 لاکھ روپے تک ودہولڈنگ ٹیکس ادا کرنے والوں کےلیے ایف بی آر سے منسلک ہونا لازمی قرار دیدیا گیا۔
اب 5 لاکھ تک ودہولڈنگ ٹیکس ادا کرنے والے ایف بی آر سے لازمی منسلک ہونے جارہے ہیں، 5 لاکھ روپے تک ودہولڈنگ ٹیکس ادا کرنے والوں کیلئے بھی ایس آر او جاری کیا گیا ہے، ایف بی آرکے نوٹیفکیشن مطابق ودہولڈنگ ایجنٹس 5 لاکھ کی سیلز پر لازمی رجسٹرڈ ہوں گے۔
فیڈرل بورڈ آف ریونیو (ایف بی آر) نے سیلز ٹیکس کی چوری روکنے کےلیے اہم فیصلہ کرلیا ہے، پاکستان میں ٹیکس جمع کرنے والے ادارے نے سیمنٹ بیگز کی الیکٹرانک مانیٹرنگ کا حکم دیا ہے جس کا نوٹیفکیشن بھی جاری کردیا گیا۔
جاری کردہ نوٹیفکیشن کے مطابق یکم نومبر سے بغیر ٹیکس اسٹیمپ بیگزکی ترسیل کو ممنوع قرار دیا جائے گا، سیمنٹ شعبے میں ٹریک اینڈ ٹریس نظام کو نافذ کیا گیا ہے جس کی اب مانیٹرنگ ہوگی۔
نوٹیفکیشن کے مطابق تمام بیگز پر یونیک آئی ڈی مارکنگ لازمی قرار ہوگی، ایف بی آر کا سیمنٹ سیکٹر میں شفافیت بڑھانے کا فیصلہ آئی ایم ایف کی شرط پر ہے۔
دوسری جانب شوگر ملز کی ویڈیو اینالیٹکس کے ذریعے مانیٹرنگ لازمی قرار دی گئی ہے اور چینی کی پیداوار کی الیکٹرانک نگرانی کے حکم کا نوٹیفکیشن جاری کیا گیا ہے، ایف بی آر کا کہنا ہے کہ شوگر ملز بغیر مانیٹرنگ پیداوار نہیں نکال سکیں گی۔
ایف بی آر کا کہنا ہے کہ شوگر ملز کے لیے جدید جی پی یو سسٹم کی تنصیب لازمی قرار دی گئی ہے اور شوگر ملز کو کرشنگ سیزن سے پہلے مانیٹرنگ آلات نصب کرنے کی ہدایت کی گئی ہے۔