پنجاب میں بغیر گرین اسٹیکر گاڑیاں فوری طور پر بند کرنے کا فیصلہ کر لیا گیا۔
نجی ٹی وی کے مطابق ادارہ تحفظ ماحول پنجاب نے صوبے میں 15 نومبر کے بعد گرین اسٹیکر کے بغیر گاڑیوں کو فوری طور پر بند کرنے کا فیصلہ کیا ہے۔
ڈائریکٹر جنرل ماحولیات ڈاکٹر عمران حامد شیخ کا کہنا ہے کہ لاہور میں تمام گاڑیوں کیلئے ایگزاسٹ ٹیسٹنگ لازمی قرار دیا گیا ہے، ان کا کہنا تھا کہ ای پی اے پنجاب نے لاہور میں آلودگی پھیلانے والی گاڑیوں کے خلاف سخت کارروائی کا آغاز کر دیا ہے۔
بغیر ای ٹی ایس سرٹیفکیٹ یا گرین اسٹیکر گاڑیوں کو قبضے میں لے لیا جائے گا، صرف وہی گاڑیاں چل سکیں گی جو پنجاب ماحولیاتی معیار پر پورا اتریں گی۔
