کے الیکٹرک کے نظر ثانی شدہ ملٹی ایئر ٹیرف کے حوالے سے مونس علوی کا اہم بیان
کے الیکٹرک کے چیف ایگزیکٹو مونس عبداللہ علوی نے کہا ہے کہ نیپرا نے پہلے اڑھائی سال کی مشاورت کے بعد جون میں اعلان کیے گئے ملٹی ایئر ٹیرف میں بڑے پیمانے پر تبدیلی اور کمی کی ہے، جس پر ادارے کی انتظامیہ جائزہ لے رہی ہے کہ موجودہ صورتحال میں آپریشنز کو کیسے جاری رکھا جائے۔ انہوں نے خدشہ ظاہر کیا کہ ٹیرف میں اس بڑے پیمانے پر کٹوتی کے بجلی صارفین پر اثرات مرتب ہو سکتے ہیں، جبکہ انتظامیہ کی بھرپور کوشش ہے کہ صارفین کو کم سے کم متاثر کیا جائے، تاہم کسی حد تک اس کمی کے اثرات ان پر پڑیں گے۔
