پاکستان میں جمادی الاول کا چاند نظر آگیا

چیئرمین رویت ہلال کمیٹی مولانا محمد عبدالخبیر آزاد کا کہنا ہے کہ پاکستان میں جمادی الاول کا چاند نظر آگیا ہے۔
جمادی الاول کے چاند کی رویت کے لئے مرکزی رویت ہلال کمیٹی کا اجلاس ہوا ملک بھر میں زونل اور ضلعی رویتِ ہلال کمیٹیوں کے اجلاس ہیڈکوارٹرز میں ہوئے۔
مرکزی رویتِ ہلال کمیٹی کا اجلاس وزارتِ مذہبی امور، کوہسار بلاک، پاک سیکریٹریٹ میں ہوا۔
چیئرمین مولانا سید عبدالخبیر آزاد اسلام آباد میں اجلاس کی صدارت کی اور بتایا کہ ملک بھر میں جمادی الاول کا چاند نظر آگیا ہے لہٰذا 24 اکتوبر بروز جمعہ کو یکم جمادی الاول ہوگی۔
یاد رہے سپارکو نے اعلان کیا تھا کہ جمادی الاول 1447 ہجری کا چاند 21 اکتوبر کو شام 5:25 پر طلوع ہوگا۔
اسپیس اینڈ اپر ایٹموسفیئر ریسرچ کمیشن (اسپارکو) کی جانب سے بتایا گیا کہ 23 اکتوبر کو غروب آفتاب کے وقت چاند کی عمر تقریباً 48 گھنٹے 54 منٹ ہوگی، ساحلی علاقوں میں چاند اور سورج کے غروب کے درمیان 56 منٹ کا وقفہ متوقع ہے۔
فلکیاتی بنیادوں پر 23 اکتوبر کی شام چاند نظر آنے کےامکانات بہت اچھے ہیں، زیادہ امکان ہے کہ جمادی الاول کا پہلا دن 24 اکتوبر 2025 کو ہوگا۔