وزیراعظم شہباز شریف نے افغان طالبان، فتنہ الخوارج کی اشتعال انگیزی پر تشویش کا اظہار کیا ہے۔
وزیراعظم شہباز شریف نے اپنے بیان میں افغان طالبان اور ’’فتنہ خوارج‘‘ کے شرپسندوں کی اشتعال انگیزیوں پر گہری تشویش کا اظہار کیا، وزیراعظم نے کرم سیکٹر میں افغان طالبان کے حملے کو کامیابی سے ناکام بنانے پر سیکیورٹی فورسز کی تعریف کرتے ہوئے کہا کہ پاک فوج نے بلا اشتعال جارحیت کا بھرپور اور موثر جواب دیا۔
انہوں نے کہا کہ ملکی سالمیت کا ہر صورت دفاع کیا جائے گا، افغان سرزمین کا پاکستان میں دہشتگردی کیلئے استعمال ہونا انتہائی قابل مذمت ہے۔
دوسری جانب وزیراعظم شہبازشریف نے وفاقی کابینہ کا اہم اجلاس کل طلب کرلیا ہے، افغان طالبان، فتنۃ الہندوستان اورفتنۃ الخوارج کی اشتعال انگیزی کا معاملہ بھی زیر غور آئے گا۔
ذرائع کا کہنا ہے کہ اجلاس میں ملک کی مجموعی سیاسی اور معاشی صورت حال کا جائزہ لیا جائے گا، افغان طالبان، فتنہ الہندوستان اور فتنہ الخوارج کی اشتعال انگیزی کا معاملہ زیر غور آئے گا۔
ذرائع کے مطابق وزیراعظم اپنے مصر کے دورے سے کابینہ ارکان کو آگاہ کریں گے، غزہ امن سربراہی اجلاس کے دوران پاکستان کو اہم مقام حاصل رہا، قانون سازی سے متعلق کابینہ کمیٹی کے فیصلے توثیق کے لیے پیش کیے جائیں گے۔
وزیراعظم شہباز شریف کا افغان طالبان، فتنہ الخوارج کی اشتعال انگیزی پرتشویش کا اظہار
