پاک افغان بارڈر پر افغانستان کی جانب سے بِلا اشتعال فائرنگ کی جس کے بعد پاک فوج نے بھرپور اور شدید جواب دیا جس کے نتیجے میں متعدد افغان فوجی ہلاک ہوگئے۔
اس حوالے سے سیکیورٹی ذرائع کا کہنا ہے کہ کچھ دیر قبل افغان فورسز نے پاک افغان بارڈر پر بِلا اشتعال فائرنگ کی ہے، جن علاقوں میں فائرنگ کی گئی ان میں انگور اڈا، باجوڑ، کرم، دیر، چترال، بارام چاہ(بلوچستان) شامل ہیں۔
بِلااشتعال فائرنگ پر پاک فوج نے فوری ردعمل دیتے ہوئے بھرپور اور شدید جواب دیا، فائرنگ کا مقصد خوارج کی تشکیلوں کو بارڈر پار کرانا بھی تھا۔
ذرائع کا کہنا ہے کہ پاک فوج کی چوکس، مستعد پوسٹوں پر تعینات مسلح اہلکاروں کی جانب سے تیزی کے ساتھ بھرپور اور شدید جواب دیا گیا۔
پاک فوج نے فوری رد عمل دیتے ہوئے متعدد افغانی پوسٹوں کو مؤثر طریقے سے نشانہ بنایا، افغانستان کی متعدد بارڈر پوسٹیں تباہ ،درجنوں افغان فوجی اور خارجی ہلاک ہوئے۔
طالبان اپنی متعدد پوسٹیں چھوڑ کر فرار ہوگئے، پاک افغان بارڈر پر جگہ جگہ لاشیں بکھری ہوئی ہیں، واضح رہے کہ افغانستان کی جانب سے جارحیت اُس وقت کی جا رہی ہے جب افغان وزیر خارجہ ہندوستان کا دورہ کر رہے ہیں۔
سیکیورٹی ذرائع کے مطابق پاکستانی فورسز کی جوابی کارروائی سے خارجی تشکیلیں تتر بتر ہوگئیں، افغان پوسٹیں خارجیوں کو کور فائر دینے میں ناکام ہوگئیں۔
متعدد افغان پوسٹوں اور خارجیوں کی تشکیلوں کو بھاری نقصانات پہنچنے کی اطلاعات ہیں، افغانستان کے اندر خوارج، داعش کے ٹھکانوں کو مؤثر طریقے سے نشانہ بنایا جارہا ہے۔
پاکستان کی جانب سے اسفغان فوسز کیخلاف آرٹلری، ٹینکوں، ہلکے اور بھاری ہتھیاروں کا استعمال کیا گیا۔
مزید پڑھیں : افغان فورسز کی پاک فوج سے جوابی کارروائی روکنے کی درخواست
داعش اور خارجی ٹھکانوں کو نشانہ بنانے کیلئے فضائی وسائل اور ڈرونز کا بھی استعمال کیا گیا ہے، افغان فورسز کے ان ہیڈ کوارٹر کو نشانہ بنایا جا رہا ہے جو داعش، فتنہ الخوارج کو پناہ دیتے رہے ہیں۔افغانستان پر اسٹرائیک کی تصدیق کرنے کی پوزیشن میں نہیں ہوں، خواجہ آصف
وزیر دفاع خواجہ آصف نے گزشتہ روز کہا تھا کہ افغانستان پر اسٹرائیک کی تصدیق کرنے کی پوزیشن میں نہیں ہوں۔
پروگرام ’اعتراض ہے‘ میں گفتگو کرتے ہوئے وزیر دفاع خواجہ آصف نے کہا کہ پاکستان کے پاس جواب دینے کا حق حاصل ہے، کابل کو پیغام دیا گیا کہ گزشتہ دو، تین سال آپ کو سمجھانے کی کوشش کی، افغانستان کو کہا کہ ہمارے بچوں کے قاتلوں کو پناہ نہ دیں
