حماس نے غزہ پر کنٹرول کا بیرونی ایجنڈا مسترد کر دیا

حماس نے غزہ پر کنٹرول کا بیرونی ایجنڈا مسترد کر دیا، غزہ کے انتظامی معاملات فلسطین کا اندرونی معاملہ ہے، عرب ممالک سمیت عالمی دنیا کے غزہ کی تعمیر نو کے لئے اقدامات خوش آئند ہیں۔
العربیہ اردو کے مطابق حماس نے غزہ پر کنٹرول کا بیرونی ایجنڈا مسترد کر دیا، حماس کا کہنا ہے کہ غزہ کے انتظامی معاملات اور غزہ کی مستقبل کی گورننس سے متعلق کوئی بھی فیصلہ “فلسطینیوں کا اندرونی معاملہ” ہے۔
فلسطین اتھارٹی اور حماس کا عالمی شراکت داری سے غزہ کی تعمیر نو کا خیر مقدم کرتے ہیں، حماس اور فلسطین اتھارٹی کے جاری مشترکہ اعلامیہ کے مطابق عرب ممالک سمیت عالمی دنیا کے غزہ کی تعمیر نو کے لئے اقدامات خوش آئند ہیں۔
جمعہ کو ایک مشترکہ بیان میں، فلسطینی اسلامی جہاد اور پاپولر فرنٹ فار دی لبریشن آف فلسطین (پی ایف ایل پی) نے حماس کے ساتھ مل کر فلسطینیوں کی ثابت قدمی کی تعریف کی، جس کے بارے میں انہوں نے کہا کہ فلسطینیوں نے غزہ میں اسرائیل کے بڑے پیمانے پر جبری نقل مکانی کے منصوبوں کو ناکام بنا دیا۔
بیان میں کہا گیا کہ ہم کسی بھی غیر ملکی سرپرستی کو مسترد کرتے ہیں اور اس بات پر زور دیتے ہیں کہ غزہ کی پٹی اور اس کے اداروں کی انتظامیہ کی نوعیت ایک فلسطینی اندرونی معاملہ ہے فلسطینی عوام کے قومی جزو نے براہ راست طے کرنا ہے۔”
گروپوں نے مزید کہا کہ وہ جنگ بندی کے بعد اگلے اقدامات پر تبادلہ خیال کرنے کے لیے ایک “فوری جامع قومی اجلاس” پر کام کر رہے ہیں، یہ اجلاس فلسطینی موقف کو متحد کرے گا، ایک جامع قومی حکمت عملی تشکیل دے گا، اور شراکت داری، اعتبار، اور شفافیت کی بنیادوں پر ہمارے قومی اداروں کی تعمیر نو کرے گا۔