پاکستانی بینکوں کا ایشیا پیسیفک ریجن میں راج، سب سے زیادہ ریٹرنز کمانے میں سرفہرست

اسلام آباد: پاکستانی بینک ایشیا پیسیفک ریجن میں راج کرنے لگے، ایس اینڈ پی گلوبل مارکیٹ انٹیلی جنس کی رپورٹ جاری کردی گئی۔
ایس اینڈ پی گلوبل مارکیٹ انٹیلی جنس کی رپورٹ کے مطابق بینک آف پنجاب خطے کا سب سے کامیاب بینک قرار دیا گیا ہے، بینک آف پنجاب نے 176.4 فیصد منافع کمایا، اس کے علاوہ بینک آف خیبر نے 108 فیصد ریٹرن کےساتھ دوسرا نمبر حاصل کیا،
رپورٹ میں پاکستان کے مزید بینکوں کے حوالے سے بتایا گیا کہ نیشنل بینک، جےایس بینک، عسکری بینک اور حبیب بینک بھی ٹاپ 15 بینکوں میں شامل ہیں۔
ایس اینڈ پی گلوبل مارکیٹ انٹیلی جنس کی جاری کردہ رپورٹ میں انکشاف کیا گیا کہ تیسری سہ ماہی میں پاکستانی بینکوں کے ریٹرنز خطے میں سب سے زیادہ رہے۔
بینک آف پنجاب ایشیا پیسیفک کے پبلک ٹریڈڈ بینکوں میں بہترین کارکردگی دکھانے والا بینک قرار دیا گیا ہے، 100 ملین ڈالرز سے زائد مارکیٹ کیپ رکھنے والے بینکوں میں بینک آف پنجاب سرفہرست رہا۔
انڈونیشیا اور ویتنام کے بینک بھی نمایاں اس فہرست میں نمایاں رہے لیکن پاکستانی بینکوں نے سب کو پیچھے چھوڑ دیا۔
ایس اینڈپی رپورٹ میں مزید بتایا گیا کہ چین اور بھارت کے کئی بینک کارکردگی میں پیچھے رہے، اسٹاک مارکیٹ میں مثبت رجحان سے پاکستانی بینکوں کو فائدہ ہوا