کراچی چڑیا گھر میں بھالو ‘رانو’ کی حالت زار پر عدالت نے رپورٹ طلب کرلی

سندھ ہائی کورٹ نے چڑیا گھر کے بھالو کی حالت سے متعلق درخواست پر تفصیلی رپورٹ 14 اکتوبر تک طلب کرلی ہے۔
رہنما نیوز کے مطابق چڑیا گھر میں ایک بھالو ہے جسے رانو کا نام دیا گیا ہے، اسی رانو نامی بھالو کی حالت سے متعلق درخواست کی سماعت ہوئی، 17 جنوری کو بھالو سے متعلق رپورٹ پیش کی گئی تھی کہ وہ ذہنی دباؤ کا شکار ہے۔
پیش کردہ رپورٹ میں درخواست گزار کا موقف تھا کہ بھالو رانو کو کسی اور جگہ یعنی قدرتی م ماحول میں منتقل کیا جائے۔
درخواست گزار کا یہ بھی کہنا تھا کہ یہ وائلڈ لائف کے سیکشن 47 کی خلاف ورزی ہے کہ انھیں قدرتی ماحول سے نکال کر یہاں چڑیا گھر میں رکھا جائے لیکن اس پر ابھی تک توجہ نہیں دی گئی۔
عدالت نے کے ایم سی، ڈائریکٹر کراچی چڑیا گھر اور سیکریٹری کنزرویٹو وائلڈ لائف کو اس سلسلے میں نوٹسز جاری کیے ہیں کہ وہ 14 اکتوبر تک تفصیلی رپورٹ پیش کریں۔
کورٹ نے کہا کہ جب یہ سفارشات پیش کی گئی ہیں کہ بھالو کی حالت ایسی ہے تو اس پر ابھی تک عملدرآمد کیوں نہیں ہوا