پی سی بی نے جنوبی افریقہ کے خلاف ہونے والی ٹیسٹ سیریز قبل پاکستان ٹیسٹ اسکواڈ سے 2 کھلاڑی ریلیز کر دیے۔
ذرائع کے مطابق فاسٹ بولر عامر جمال اور اسپنر فیصل اکرم کو اسکواڈ سے ریلیز کر دیا گیا ہے جس کے بعد قومی ٹیم کے اسکواڈ میں شامل کھلاڑیوں کی تعداد 18 سے کم کرکے 16 کردی گئی ہے۔
پاکستان کرکٹ بورڈ نے آئی سی سی ورلڈ ٹیسٹ چیمپئن شپ 2025-27 کے تحت جنوبی افریقہ کے خلاف دو ٹیسٹ میچوں کی سیریز کے لیے ٹیسٹ اسکواڈ کا اعلان کردیا ہے۔
جنوبی افریقہ جو آئی سی سی ورلڈ ٹیسٹ چیمپئن شپ 2023-25 کا فاتح ہے، پاکستان کے خلاف پہلا ٹیسٹ 12 سے 16 اکتوبر تک قذافی اسٹیڈیم لاہور میں کھیلے گا، جب کہ دوسرا ٹیسٹ 20 سے 24 اکتوبر تک راولپنڈی کرکٹ اسٹیڈیم میں شیڈول ہے۔
ٹیسٹ کے بعد دونوں ٹیمیں 28 اکتوبر سے یکم نومبر تک تین میچوں کی ٹی ٹونٹی انٹرنیشنل سیریز میں آمنے سامنے ہوں گی۔ افتتاحی ٹی ٹونٹی راولپنڈی میں جبکہ بقیہ دو میچز لاہور میں کھیلے جائیں گے۔ اس دورے کا اختتام 4 سے 8 نومبر تک تین ون ڈے میچوں کی سیریز کے ساتھ ہوگا جس کے تمام میچ اقبال اسٹیڈیم فیصل آباد میں شیڈول ہیں
پی سی بی نے جنوبی افریقہ کیخلاف ٹیسٹ میچ سے قبل 2 کھلاڑی ریلیز کر دیے
