بحیرہ عرب میں موجود سمندری طوفان شکتی کے زیر اثر تیز ہواؤں کے ساتھ بادل برس پڑے

کراچی : بحیرہ عرب میں موجود سمندری طوفان شکتی کے زیر اثر مکران کوسٹل ہائی وے میں تیز ہواؤں کے ساتھ بادل برس پڑے۔
تفصیلات کے مطابق بحیرہ عرب میں موجود سمندری طوفان کے زیر اثر مکران کوسٹل ہائی وے اور کنڈ ملیر میں تیز ہواؤں کے ساتھ بارش ہوئی۔
محکمہ موسمیات کا کہنا ہے کہ طوفان “شکتی” کراچی سے تقریباً 360 کلو میٹر جنوب میں موجود ہے اور آئندہ 24 گھنٹوں کے دوران یہ شدید سمندری طوفان میں تبدیل ہوسکتا ہے۔
محکمہ موسمیات نے کہا کہ طوفان کے باعث سندھ اور بلوچستان کے مختلف اضلاع میں آج اور کل گرج چمک کے ساتھ بارش اور تیز ہواؤں کا امکان ہے جبکہ ہوا کی رفتار 100 سے 125 کلو میٹر فی گھنٹہ تک بڑھنے کا خدشہ ہے۔
ماہی گیروں کو 5 اکتوبر تک گہرے سمندر میں نہ جانے کی ہدایت کی گئی ہے، جب کہ محکمہ موسمیات نے خبردار کیا ہے کہ 6 اکتوبر تک بحیرہ عرب میں سمندر کی صورتحال انتہائی خطرناک رہے گی۔