او جی ڈی سی ایل نے سندھ کے علاقے خیرپور میں تیل اور گیس کے نئے ذخیرے کی دریافت کا اعلان کیا ہے۔
او جی ڈی سی ایل کے مطابق نئی دریافت خیرپور بترسم ایسٹ ون ایکسپلورٹری کنویں سے ہوئی ہے ، کنویں سے یومیہ 22.5 ایم ایم ایس سی ایف ڈی گیس جبکہ 690 بیرل خام تیل کی پیداوار حاصل ہو گی.
ترجمان او جی ڈی سی ایل نے مزید بتایا کہ کنویں کی کھدائی 30 جون 2025 کو شروع کی گئی تھی، کنویں کی گہرائی 3 ہزار 800 میٹر تک کی گئی۔
ترجمان کا کہنا ہے کہ دو ڈرل اسٹیم ٹیسٹ بھی کامیابی سے مکمل کیے گئے، نئی دریافت توانائی سپلائی و ڈیمانڈ کے فرق کو کم کرنے میں مددگار ہو گی۔
