تفصیلات کے مطابق پنجاب میں پہلی ای ٹیکسی اسکیم کا باضابطہ آغاز کر دیا گیا۔
وزیر ٹرانسپورٹ پنجاب بلال اکبر نے بتایا کہ منصوبے کے پہلے مرحلے میں 1100 الیکٹرک گاڑیاں مختص کی گئی ہیں، جو شہریوں کو جدید اور ماحول دوست سفری سہولت فراہم کریں گی۔
حکام کا کہنا تھا کہ گاڑیاں 5 سال کی آسان اقساط پر بلا سود فراہم کی جائیں گی۔ اسکیم میں 1000 گاڑیاں کارپوریٹ سیکٹر اور 100 گاڑیاں انفرادی درخواست گزاروں کے لیے رکھی گئی ہیں، جبکہ خواتین کے لیے خصوصی طور پر 30 ای گاڑیاں مختص کی گئی ہیں۔
وزیر ٹرانسپورٹ نے مزید کہا کہ ای ٹیکسی منصوبے سے عوام کو بہترین سفری سہولت میسر آئے گی اور اسکیم کے لیے بہت آسان شرائط رکھی گئی ہیں تاکہ زیادہ سے زیادہ لوگ اس سے فائدہ اٹھا سکیں۔
