سلمان بٹ نے بھارت کے خلاف پاکستان کے گیم چینجر کھلاڑی کا نام بتا دیا

سابق کپتان سلمان بٹ نے بھارت کے خلاف پاکستان کے گیم چینجر کھلاڑی کا نام بتا دیا ہے۔
ایشیا کپ 2025 میں پاکستان اور بھارت کی ٹیمیں اتوار کو مدمقابل آئیں گی، میچ پاکستانی وقت کے مطابق رات 8 بجے شروع ہوگا۔
مقامی پوڈ کاسٹ میں گفتگو کرتے ہوئے سلمان بٹ نے کہا کہ اگرچہ پاکستان سرپرائز دینے کی صلاحیت رکھتا ہے لیکن وہ فیورٹ کے طور پر شامل نہیں ہے۔
انہوں نے کہا کہ فخر زمان اور شاہین آفریدی جیسے میچ ونر ہائی پریشر مقابلے میں فیصلہ کن چابت ہوسکتے ہیں۔
سلمان بٹ نے کہا کہ فخر زمان ہمیشہ ایک خطرہ ہوتا ہے۔ اگر شاہین آفریدی آپ کو تین وکٹیں دے سکتے ہیں، جیسا کہ وہ پہلے کر چکے ہیں، تو یہ ہندوستان کی بیٹنگ لائن اپ کو مکمل طور پر پریشان کر سکتا ہے۔
سابق کپتان نے کہا کہ آپ پاکستان کو قطعی طور پر مسترد نہیں کرسکتے، ہمارے پاس ایسی ٹیموں کو ہرانے کی صلاححیت ہے جو ہمیں ہلکا لیتے ہیں اور بعض اوقات ہم خود کو بھی چونکا دیتے ہیں۔
انہوں نے کہا کہ ٹی 20 کرکٹ میں ایک کھلاڑی کا اچھا دن کھیل کو مکمل طور پر بدل سکتا ہے۔
سابق کپتان نے کہا کہ سینئر کھلاڑیوں کے ساتھ ساتھ، کچھ ابھرتے ہوئے نام بھی آئندہ ایشیا کپ 2025 میں فیصلہ کن کردار ادا کر سکتے ہیں۔