ماہِ اگست میں بیرون ملک سے کارکنوں کی ترسیلات زر میں بڑا اضافہ

ماہِ اگست میں بیرون ملک سے کارکنوں کی ترسیلات زر میں بڑا اضافہ ہوا ہے۔
اسٹیٹ بینک آف پاکستان کے مطابق اگست 2025ء کے دوران کارکنوں کی ترسیلات زر کی مد میں 3.1 ارب امریکی ڈالر کی آمد ہوئی۔
کارکنوں کی ترسیلاتِ زر میں سال بسال بنیادوں پر 6.6 فیصد اضافہ ہوا ہے۔
مرکزی بینک کا کہنا ہے کہ مجموعی طور پر مالی سال 26ء کے پہلے دو ماہ کے دوران 6.4 ارب ڈالر موصول ہوئے۔
رواں سال کی ترسیلات زر گزشتہ مالی سال کے پہلے دو ماہ میں ملنے والی 5.9 ارب ڈالر ترسیلات زر میں 7 فیصد اضافہ ہے۔
اگست 2025ء کے دوران ترسیلات زر کا بڑا حصہ سعودی عرب 736.7 ملین ڈالر، متحدہ عرب امارات 642.9 ملین ڈالر، برطانیہ 463.4 ملین ڈالر اور امریکہ 267.3 ملین ڈالر موصول ہوئے۔