کراچی میں ہلکی بارش کے بعد موسم خوشگوار ہو گیا ہے، محکمہ موسمیات کا کہنا ہے کہ آج بھی دن بھر ہلکی بارش کا امکان ہے۔
کراچی میں علی الصبح کہیں ہلکی تو کہیں تیز بارش موسم سہانا ہو گیا، شہر بھر میں بارانِ رحمت سے موسم خوش گوار ہو گیا ہے، آسمان پر سیاہ بادلوں کا راج ہے، اور تیز ہواؤں کے ساتھ وقفے وقفے سے بارش جاری ہے۔
شہر کے بیش تر علاقوں میں بوندا باندی ہو رہی ہے، ڈیفنس، کورنگی روڈ، شارع فیصل، برنس روڈ، ایم اے جناح روڈ، قیوم آباد، محمود آباد، منظور کالونی، بلوچ کالونی اور اطراف میں بوندا باندی ہو رہی ہے، یونیورسٹی روڈ، جمشید روڈ، جہانگیر روڈ، گلشن اقبال، ناظم آباد، نارتھ کراچی، میٹروول، سائٹ، بلدیہ، ماڑی پور میں بھی بوندا باندی ہوئی۔
محکمہ موسمیات نے آئندہ 3 روز شہر میں شدید بارش کی پیشنگوئی کر دی ہے، موسمیات کا کہنا ہے کہ شہر میں 10 ستمبر تک بارش کا سلسلہ جاری رہے گا، 9 اور 10 ستمبر کو موسلادھار سے شدید موسلادھار بارش کا امکان ہے۔ محکمہ موسمیات کے مطابق آج درجہ حرارت 34 ڈگری سینٹی گریڈ تک جانے کا امکان ہے، ہوا میں نمی کا تناسب 91 فی صد ہے اور ہوائیں 11 کلو میٹر فی گھنٹہ کی رفتار سے چل رہی ہیں۔
ادھر سپر ہائی وے اور نوری آباد کے اطراف تیز بارش ریکارڈ کی گئی ہے، حیدر آباد، سکھر، ٹھٹھہ، خیرپور اور مکلی سمیت سندھ کے بیش ترعلاقوں میں موسلادھار بارش سے نشیبی علاقے زیر آب آ گئے ہیں۔ سکھر میں بارش ہوتے ہی مواصلاتی نظام درہم برہم ہو گیا ہے اور 60 سے زائد فیڈرز بند ہو گئے
