غیر قانونی اسلحہ اور شراب برآمدگی کیس میں عدالت نے علی امین گنڈاپور کو گرفتار کرکے عدالت پیش کرنے کا حکم دے دیا۔
اسلام آباد کی ڈسٹرکٹ اینڈ سیشن کورٹس نے وزیراعلیٰ خیبرپختونخوا کی گرفتاری کے احکامات جاری کر دیے، ان کے خلاف کیس کی سماعت جوڈیشل مجسٹریٹ مبشر حسن چشتی نے کی۔
ضلعی عدالت میں ہونے والی سماعت میں مقدمے کے تفتیشی افسر پیش نہیں ہوئے، علی امین گنڈاپور کے وکیل راجہ ظہور الحسن ایڈووکیٹ بھی عدالت میں پیش نہیں ہوئے۔
اس موقع پر عدالت کا شدید برہمی کا اظہار کرتے ہوئے کہنا تھا کہ نہ ملزم پیش ہوا اور نہ ہی وکیل، وزیراعلیٰ خیبرپختونخوا کی مسلسل عدم پیشی پر عدالت نے ایس ایس پی آپریشنز کو انہیں گرفتار کرکے پیش کرنے کا حکم دیا اور کیس کی سماعت 21 جنوری تک ملتوی کردی۔
