ڈکی بھائی (سعد الرحمان) نے تسلیم کیا ہے کہ وہ اپنے ابتدائی دور میں غیر مناسب ویڈیوز بناتے رہے ہیں، اور اس پر اب وہ پوری قوم سے معذرت چاہتے ہیں۔
عدالت میں پیشی کے موقع پر میڈیا سے گفتگو کرتے ہوئےان کا کہنا تھا کہ انہوں نے کچھ ایپلیکیشنز کی پروموشن کی، بغیر اس بات کی تصدیق کے کہ ان کو پاکستان میں قانونی اجازت ہے یا نہیں، اور اس پر بھی وہ معذرت خواہ ہیں۔
یاد رہے کہ ایف آئی اے نے حال ہی میں انہیں لاہور سے گرفتار کیا تھا، الزام یہ تھا کہ انہوں نے ایک متنازع ’’ٹریڈنگ/گیمبلنگ ایپ‘‘ کو پروموٹ کیا تھا۔
ایف آئی اے کے مطابق اس ایپ کے ذریعے شہریوں کو مالی نقصان ہوا، جس پر تحقیقات کا آغاز کیا گیا۔گرفتاری کے بعد انہیں ریمانڈ پر جیل بھیجا گیا، جہاں گزشتہ روز انہیں دوبارہ پیش کیا گیا تھا۔
