پاکستان نے اعلان کیا ہے کہ آئندہ پانچ برسوں میں بنگلادیشی طلبہ کو 500 اسکالرشپس دی جائیں گی۔
ترجمان دفترِ خارجہ کے مطابق یہ اقدام پاکستان۔بنگلادیش نالج کوریڈور پروگرام کے تحت کیا جا رہا ہے، جس کا اعلان وزیرِ خارجہ اسحاق ڈار نے اگست 2025 میں اپنے دورۂ بنگلادیش کے دوران کیا تھا۔
دفترِ خارجہ نے بتایا کہ نالج کوریڈور کا دوسرا مرحلہ 10 مئی 2026 کو ڈھاکہ میں شروع کیا گیا، جبکہ بنگلادیشی وفد اس وقت تین ہفتوں کے دورے پر پاکستان میں موجود ہے۔
اس پروگرام کا مقصد دونوں ممالک کے درمیان تعلیمی تعاون، طلبہ کے تبادلے اور علمی روابط کو فروغ دینا ہے۔
