غزہ میں بچوں کے دودھ اور ویکسینیشن کے لیے لاکھوں سرنجوں کی فراہمی معطل

اقوام متحدہ کے ذیلی ادارے یونیسیف کا کہنا ہے کہ اسرائیل نے غزہ میں بچوں کے دودھ اور ویکسینیشن کے لیے لاکھوں سرنجوں کی فراہمی کو روک دیا ہے۔
بین الاقوامی خبر رساں ادارے کی رپورٹ کے مطابق یونیسیف کا اپنے بیان میں کہنا تھا کہ اسرائیلی قابض افواج نے بچوں کے لیے ضروری سامان جس میں دودھ کی بوتلیں اور ویکسین کے لیے سرنجز کی فراہمی روک دی ہے۔
یونیسیف کے مطابق جنگ بندی کی نازک صورتحال کے باوجود غزہ میں بچوں کے لیے ویکسینشن مہم کا آغاز کیا ہے اور اس سلسلے میں ویکسینیشن کے لیے 1 اعشاریہ 6 ملین سرنجز اور شمسی توانائی پر چلنے والے فریج کا حصول ادارے کے لیے ایک چیلنج بنا ہوا ہے کیوں اسرائیل کسٹم کی جانب سے یونیسیف کی سرنجیں تاحال کلیئرنس نہیں ہوسکی ہیں۔

انروا کے کمشنر فلپ لازارینی کے مطابق اقوام متحدہ کی ذیلی ایجنسی غزہ میں تعمیرنو اور بحالی کے لیے تیار ہے۔
تاہم نے انہوں نے واضح کیا کہ غزہ میں ان کا ادارہ اسرائیلی پارلیمنٹ کی جانب سے پابندی کی باوجود اپنا کام جاری رکھے ہوئے ہے