نئی دہلی: بھارت میں مون سون کی شدید بارشوں اور سیلاب نے بڑے پیمانے پر تباہی مچا دی، مختلف حادثات میں ہلاکتوں کی تعداد 62 تک پہنچ گئی۔
بھارتی میڈیا کے مطابق سیلاب سے 12 اضلاع میں 7 لاکھ سے زائد افراد متاثر ہوئے ہیں، جبکہ متعدد خاندان بے گھر ہو کر امدادی کیمپوں میں منتقل ہونے پر مجبور ہیں۔
مشرقی ریاست آسام میں دریاؤں میں طغیانی کے باعث 900 سے زائد دیہات زیرِ آب آگئے، جہاں تقریباً 3 لاکھ افراد کو محفوظ مقامات اور ریلیف کیمپوں میں منتقل کیا گیا ہے۔
گجرات، گوہاٹی سمیت کئی دیگر علاقوں میں بھی سیلابی صورتحال برقرار ہے، جہاں ریسکیو اور امدادی کارروائیاں جاری ہیں۔
