اسلام آباد (9 ستمبر 2025) بانی پی ٹی آئی عمران خان کی 6 اور بشریٰ بی بی کے ایک مقدمے میں عبوری ضمانت میں توسیع کر دی گئی۔
ڈسٹرکٹ اینڈسیشن کورٹس اسلام آباد میں بانی پی ٹی آئی عمران خان کی 6 اور بشریٰ بی بی کی ایک مقدمے میں ضمانت کی درخواستوں پر سماعت ایڈیشنل ڈسٹرکٹ اینڈ سیشن جج محمد افضل مجوکہ نے کی۔
عدالت نے عمران خان کی 6 اور بشریٰ بی بی کی ایک مقدمے میں عبوری ضمانت میں توسیع کر دی۔ سابق وزیر اعظم کی 9 مئی، اقدام قتل اور احتجاج کے مقدمات میں 7 اکتوبر تک ضمانت میں توسیع کی گئی۔
سابق خاتون اوّل کی توشہ خانہ جعلی رسیدوں کے مقدمے میں ضمانت میں 7 اکتوبر تک توسیع کی گئی۔ بشریٰ بی بی کی ضمانت کی درخواستوں پر فیصلہ آج بھی نہ سنایا جا سکا۔
عمران خان کی ضمانت کی درخواستوں پر دلائل مکمل نہ ہو سکے۔
عدالت نے کہا کہ عمران خان اور بشریٰ بی بی کی ضمانت کی درخواستوں پر اکٹھا فیصلہ سنایا جائے گا۔ بانی پی ٹی آئی کے خلاف تھانہ ترنول، کراچی کمپنی کوہسار و دیگر میں مقدمات درج ہیں۔
