بھارت کے معروف گلوکار بادشاہ کے خلاف متنازع میوزک ویڈیو پر مقدمہ درج کر لیا گیا۔
بھارتی میڈیا کے مطابق گلوکار کے خلاف مقدمہ ریاست ہریانہ کے شہر پنچکولہ کے رہائشیوں کی جانب سے درج کرایا گیا ہے۔ رپورٹس کے مطابق حال ہی میں بادشاہ کی نئی میوزک ویڈیو ’تاتیری‘ ریلیز ہوئی جس کے بعد تنازع کھڑا ہوگیا۔
مقامی رہائشیوں نے گانے کے بول اور اس کی فلم بندی پر اعتراض اٹھاتے ہوئے اسے نامناسب قرار دیا ہے۔ شکایت کے بعد سائبر کرائم پولیس اسٹیشن میں گلوکار کے خلاف بے حیائی سے متعلق ایکٹ کے تحت مقدمہ درج کر لیا گیا ہے۔
