واشنگٹن: امریکی صدر ڈونلڈ ٹرمپ نے دعویٰ کیا ہے کہ ایران کے عوام انہیں اپنا اگلا سپریم لیڈر بنانا چاہتے ہیں، تاہم انہوں نے اس پیشکش کو مسترد کر دیا ہے۔
ریپبلکن فنڈ ریزنگ تقریب سے خطاب کرتے ہوئے صدر ٹرمپ نے کہا کہ ایرانی حکام معاہدہ کرنے کے لیے بے تاب ہیں، لیکن اپنے عوام اور امریکا کے خوف سے اس کا اعتراف نہیں کر رہے۔ انہوں نے تقریب کے شرکاء کو بتایا کہ ایرانی مذاکرات کر رہے ہیں اور معاہدہ کرنا چاہتے ہیں، لیکن یہ کہنے سے ڈرتے ہیں کہ انہیں لگتا ہے کہ ان کے اپنے لوگ یا امریکا انہیں نقصان پہنچا سکتے ہیں۔
صدر ٹرمپ نے مزید کہا کہ ایرانی لوگ انہیں سپریم لیڈر بنانے پر بضد ہیں، لیکن انہوں نے کہا کہ انہیں یہ عہدہ نہیں چاہیے اور انہوں نے صاف انکار کر دیا۔
