وزیر خزانہ نے چھوٹے کسانوں کو خوشخبری سنادی

وزیر خزانہ محمد اورنگزیب کا کہنا ہے کہ چھوٹے کسانوں کے لیے بلاسود قرض اور مالیاتی رسائی میں توسیع کی جارہی ہے۔
وزیر خزانہ محمد اورنگزیب نے واشنگٹن میں ورلڈ بینک فورم میں شرکت کی اور پاکستان کی زرعی و ماحولیاتی اصلاحات پر گفتگو کی۔
انہوں نے کہا کہ حکومت زرعی فناسنگ کے لیے سبسڈی اور فسٹ لاس گارنٹی اسکیم پر عمل پیرا ہے، ماحولیاتی تبدیلی کے خطرات سے نمٹنے کے لیے حکومت لائحہ عمل بنا رہی ہے۔
محمد اورنگزیب نے کہا کہ زراعت معیشت کی ریڑھ کی ہڈی ہے، جی ڈی پی کا چوتھائی حصہ فراہم کرتی ہے، حکومت کی توجہ کنٹرول سے سہولت اور بااختیار بنانے پر منتقل ہوچکی ہے۔
یہ پڑھیں: کسانوں کے لیے بڑی خوشخبری، حکومت کا بڑا اعلان
وزیر خزانہ نے کہا کہ نجی شعبہ زرعی ترقی میں کلیدی کردار ادا کرے گا، زراعت میں پیداوار، فنانس اور ویلیو چین ترقی کے لیے اصلاحات جاری ہیں، بہتر بیچ، کھاد، ایگرو سروسز اور سیٹلائٹ مانیٹرنگ سے فصلوں کی پیداوار میں اضافہ ہوگا۔
محمد اورنگزیب نے مزید کہا کہ زراعت مکمل ویلیو چین کے ساتھ جی ڈی پی کا 40 فیصد حصہ فراہم کرتی ہے۔
انہوں نے کہا کہ سیلابی نقصانات کے بعد 10 سالہ کنٹری پارٹنر شپ فریم ورک پر عملدرآمد جاری ہے