امریکی صدر ڈونلڈ ٹرمپ نے اسرائیلی صدر اسحاق ہرزوگ سے اپیل کی ہے کہ وہ وزیراعظم بنجمن نیتن یاہو کو بدعنوانی کیس میں معاف کردیں۔
یروشلم میں اسرائیلی پارلیمنٹ سے امریکی صدر ڈونلڈ ٹرمپ نے ایک گھنٹے سے زیادہ خطاب کیا، اس دوران انھوں نے اپنی تقریر میں اسرائیلی صدر اسحاق ہرزوگ پر زور دیا کہ وہ وزیراعظم بنجمن نیتن یاہو کو معاف کر دیں، جن پر بدعنوانی کا مقدمہ چل رہا ہے۔
ٹرمپ نے صدر کو مخاطب کرتے ہوئے کہا کہ جناب صدر میرے پاس ایک آئیڈیا ہے، آپ نیتن یاہو کو معافی کیوں نہیں دیتے؟ سگار اور چند شیمپین کے بارے میں کون پرواہ کرتا ہے؟
انھوں نے اسرائیلی وزیراعظم پر عائد دھوکہ دہی، رشوت خوری اور اعتماد کی خلاف ورزی کے الزامات کا حوالہ دیتے ہوئے کہا جس کی نیتن یاہو تردید کرتے آئے ہیں۔
خیال رہے کہ نیتن یاہو پر 2019 میں تین مقدمات میں فرد جرم عائد کی گئی تھی، جن میں سے ایک میں شیمپین اور سگار سمیت تاجروں سے تقریباً 700,000 شیکل (210 ہزار امریکی ڈالر) تحائف وصول کرنا بھی شامل ہے۔
اسرائیلی صدر یوں تو رسمی کردار کا حامل ہوتا ہے لیکن اس کے پاس یہ اختیار ہوتا ہے کہ اگر غیر معمولی حالات پیش نظر ہوں تو وہ سزا یافتہ مجرم کو معاف کر دے۔
اسرائیلی وزیراعظم نیتن یاہو غزہ سمٹ میں شریک نہیں ہونگے
