میچ کے بعد پریس کانفرنس سے خطاب کرتے ہوئے بھارتی کپتان سوریاکمار یادیو نے ای سی سی مینز ٹی 20 ایشیا کپ 2025 کے میچ کے دوران پاکستانی کھلاڑیوں سے ہاتھ نہ ملانے کے اپنی ٹیم کے فیصلے پر بیان دہا ہے۔
گذشتہ روز کے میچ میں پاکستانی کپتان سلمان علی آغا سے ٹاس کے وقت بھارتی کپتان نے ہاتھ نہیں ملایا اور بھارتی ٹیم میچ کے بعد پاکستانی ٹیم سے ملے بغیر چلی گئی تھی، پریس کانفریس میں سوریا کمار یادیو سے غیر معمولی عمل کے بارے میں سوال کیا گیا۔
جس کے جواب میں سوریا کمار یادیو نے بتایا کہ ٹیم مینجمنٹ، بورڈ آف کنٹرول فار کرکٹ ان انڈیا (بی سی سی آئی) اور بھارتی حکومت اس فیصلے پر متفق تھے، ہم صرف میچ کھیلنے کے لیے آئے تھے۔
سوریا نے کہا کہ ہم، ہماری حکومت اور بی سی سی آئی سب ایک ہی صفحے پر تھے، اور جب ہم یہاں آئے تو ہم نے فیصلہ کیا کہ ہم یہاں صرف میچ کھیلنے کے لیے ہی آئے ہیں۔”
دوسری جانب این ڈی ٹی وی نے اپنی رپورٹ میں کہا کہ یہ ہیڈ کوچ گوتم گمبھیر تھے جنہوں نے کھلاڑیوں کو پاکستانی کرکٹرز سے ہاتھ ملانے سے منع کیا تھا۔
این ڈی ٹی وی نے ٹیلی کام ایشیا سپورٹ کا حوالہ دیتے ہوئے کہا کہ ایک رپورٹ کے مطابق، گمبھیر نے مبینہ طور پر بھارتی کھلاڑیوں کو پاکستانی کھلاڑیوں کے ساتھ مصافحہ نہ کرنے کا مشورہ دیا اور ان سے یہ بھی کہا کہ وہ حریفوں کے ساتھ کوئی زبانی جملہ بازی نہ کریں
