سوشل میڈیا اکاؤنٹ کی تحقیقات، بانی پی ٹی آئی کا جواب دینے سے گریز

رہنما نیوز کے مطابق ایڈیشنل ڈائریکٹر ایاز خان کی سربراہی میں این سی سی آئی اے ٹیم کی اڈیالہ جیل آمد ہوئی، سوالات کے دوران عمران خان ٹیم کو کمرے سے جانے کا کہتے رہے۔
ذرائع کے مطابق عمران خان نے ڈپٹی ڈائریکٹر ایاز خان پر بوگس کیس بنانے کا الزام لگاتے ہوئے کہا کہ اکاؤنٹ کے حوالے سے کچھ نہیں بتا سکتا۔
تحقیقاتی ٹیم سے عمران خان نے کہا کہ اگر اس شخص کا نام بتا دیا تو وہ اغوا ہوجائے گا، انہوں نے بار بار کہا میرا کوئی خاص پیغام رساں نہیں ہے، جب کوئی ملاقاتی آتا ہے تو سوشل میڈیا ٹیم کو پیغام بھجواتا ہوں۔
این سی سی آئی اے نے سوال کیا کہ کیا آپ کا اکاؤنٹ سی آئی اے، را، یا موساد چلا رہی ہیں۔
جواب میں عمران خان نے کہا کہ آپ سے زیادہ محبت وطن سے ہے، آپ زیادہ بہتر جانتے ہیں موساد کے ساتھ کون ہے، بانی نے تفتیش کاروں کو یہ بھی کہا کہ علیمہ خانم کا سیاست سے کوئی تعلق نہیں۔
ٹیم نے سوال کیا کہ پی ٹی آئی قیادت اکثر سوشل میڈیا پوسٹ سے اظہار لاتعلقی کرتی ہے؟ جواب میں عمران خان نے کہا کہ لیڈر شپ خوف کا شکار ہے وہ نتائج سے ڈرتی ہے