شہری کو لٹتے دیکھ کر روڈ سے گزرنے والے کار ڈرائیور نے ڈاکو پر فائرنگ کردی

کراچی: شہری کو لٹتے دیکھ کر روڈ سے گزرنے والے کار ڈرائیور نے ڈاکو پر فائرنگ کردی، تھوڑا آگے جاکر ڈاکو ہلاک ہوگیا۔
تفصیلات کے مطابق کراچی میں روز لوگوں کو لٹتے دیکھر شہریوں کا صبر جواب دے گیا، پولیس نے بتایا کہ ماڑی پور روڈ پر ڈاکو شہری سے لوٹ مار کررہا تھا، کار سوار نے واردات دیکھ کر فائرنگ کی، کار سوار کی فائرنگ سے ڈاکو زخمی ہوا، تھوڑا آگے جاکر ہلاک ہوگیا۔
پولیس نے بتایا کہ فائرنگ کرنے والا کار ڈرائیور موقع سے چلا گیا، ہلاک ڈاکو سے اسلحہ، چھینا گیا موبائل فون، بغیر نمبر پلیٹ والی موٹرسائیکل برآمد ہوئی ہے۔
دریں اثنا پولیس نے بتایا کہ گلشن اقبال بلاک 2 میں عمارت سے چھلانگ لگاکر خاتون نے مبینہ طورپر خودکشی کرلی۔
خاتون نے بلڈنگ کے انیسویں فلور سے چھلانگ لگا کر خودکشی کی، لاش کو اسپتال منتقل کردیا گیا ہے، واقعے کی مختلف پہلوؤں سے تفتیش جاری ہے۔