راولپنڈی کی انسداد دہشت گردی عدالت نے شوکت خانم کینسر اسپتال کے 4 بینک اکاؤنٹس ڈی فریز کرنے کا حکم دے دیا ہے۔ یہ سماعت علیمہ خان کے خلاف 26 نومبر کو ہونے والے احتجاج پر درج مقدمے کی تھی۔
سماعت کے دوران شوکت خانم اسپتال کے وکلاء عدالت میں پیش ہوئے، اور عدالت نے نمل یونیورسٹی کے اکاؤنٹس کو بھی ڈی فریز کرنے کا حکم جاری کیا۔
پراسیکیوٹر ظہیر شاہ نے بتایا کہ شوکت خانم اسپتال کے اکاؤنٹس فریز کرنے کی کوئی تحریری درخواست عدالت میں پیش نہیں کی گئی تھی۔
واضح رہے کہ راولپنڈی کی انسداد دہشت گردی عدالت نے پیش نہ ہونے پر علیمہ خان کا شناختی کارڈ اور پاسپورٹ ضبط کرنے کے احکامات بھی جاری کیے تھے۔ عدالت نے بانی تحریک انصاف کی بہن علیمہ خان کے بینک اکاؤنٹس کو فریز کرنے کے بھی احکامات دیے تھے۔
