سارو گنگولی ایک بار پھر سی اے بی کے بلا مقابلہ صدر منتخب

بھارتی کرکٹ ٹیم کے سابق کپتان سارو گنگولی ایک بار پھر سی اے بی کے بلا مقابلہ صدر منتخب ہوگئے ہیں۔
2008ء میں 53 سالہ سارو گنگولی نے کرکٹ سے ریٹائرمنٹ کا فیصلہ کیا تھا، سابق کرکٹر ایک بار پھر کرکٹ ایسوسی ایشن بنگال (سی اے بی) کے صدر منتخب ہوئے ہیں۔
سارو گنگولی کو سی اے بی کے 94 ویں سالانہ اجلاس میں بلا مقابلہ منتخب کیا گیا، سابق کرکٹر ریاستی بورڈ میں 6 سال کے وقفے کے بعد واپس آئے ہیں۔
سابق بھارتی کرکٹر گنگولی اس سے قبل 2015ء تا 2019ء سی اے بی کے صدر رہ چکے ہیں، جس کے بعد انہوں نے 3 سال بی سی سی آئی کے صدر کے فرائض انجام دیئے۔
سابق بھارتی کپتان اپنے بڑے بھائی سنہا شیش گنگولی کی جگہ سی اے بی کے صدر منتخب ہوئے ہیں، جو گزشتہ 6 سال سے یہ ذمے داری نبھارہے تھے۔
سابق بھارتی کپتان ریاستی کرکٹ بورڈ میں واپسی کے ساتھ ہی کئی بڑے منصوبے ساتھ لائے ہیں، جن میں ایڈن گارڈنز کولکتہ میں شائقین کرکٹ کی گنجائش 1 لاکھ تک لے جانا شامل ہے۔
اسٹیڈیم میں تماشائیوں کی موجودہ گنجائش 68 ہزار ہے، اس معاملے پر کام اگلے سال ٹی20 ورلڈ کپ کے بعد شروع کردیا جائے گا۔
ایشیا کپ سپر فور مرحلہ، پاکستان اور سری لنکا آج آمنے سامنے ہوں گے
سابق کپتان بنگال میں کرکٹ کی بہتری کیلیے 9 ایکڑ پر مبنی جدید سہولتوں سے آراستہ اکیڈمی بنانے کا ارادہ رکھتے ہیں، منصوبہ منظور ہوچکا ہے، جو ڈیڑھ سال کے عرصے میں مکمل ہوجائے گا۔
سابق بھارتی کپتان نے ضلعی سطح پر کرکٹ کو مزید بہتر بنانے کیلیے اس کے فنڈز کو 5 کروڑ سے بڑھا کر 8 کروڑ کردیا ہے۔