فیڈرل بورڈ آف ریونیو (ایف بی آر) نے سیلز ٹیکس کی چوری روکنے کے اہم فیصلہ کرلیا۔
پاکستان میں ٹیکس جمع کرنے والے ادارے فیڈرل بورڈ آف ریونیو (ایف بی آر) نے سیمنٹ بیگز کی الیکٹرانک مانیٹرنگ کا حکم دیا ہے جس کا نوٹیفکیشن بھی جاری کردیا گیا۔
جاری کردہ نوٹیفکیشن کے مطابق یکم نومبر سے بغیر ٹیکس اسٹیمپ بیگزکی ترسیل کو ممنوع قرار دیا جائے گا، سیمنٹ شعبے میں ٹریک اینڈ ٹریس نظام کو نافذ کیا گیا ہے جس کی اب مانیٹرنگ ہوگی۔
نوٹیفکیشن کے مطابق تمام بیگز پر یونیک آئی ڈی مارکنگ لازمی قرار ہوگی، ایف بی آر کا سیمنٹ سیکٹر میں شفافیت بڑھانے کا فیصلہ آئی ایم ایف کی شرط پر ہے۔
پاس ورڈ کا غلط استعمال، ایف بی آر کی سسٹم کےغیرمحفوظ ہونے کی خبروں کی تردید
دوسری جانب شوگر ملز کی ویڈیو اینالیٹکس کے ذریعے مانیٹرنگ لازمی قرار دی گئی ہے اور چینی کی پیداوار کی الیکٹرانک نگرانی کے حکم کا نوٹیفکیشن جاری کیا گیا ہے، ایف بی آر کا کہنا ہے کہ شوگر ملز بغیر مانیٹرنگ پیداوار نہیں نکال سکیں گی۔
ایف بی آر کا کہنا ہے کہ شوگر ملز کے لیے جدید جی پی یو سسٹم کی تنصیب لازمی قرار دی گئی ہے اور شوگر ملز کو کرشنگ سیزن سے پہلے مانیٹرنگ آلات نصب کرنے کی ہدایت کی گئی ہے۔
ایف بی آر نے شوگر ملز میں جدید ڈیجیٹل مانیٹرنگ کا آغاز کر دیا ہے، چینی کی پیداوار کی اب ویڈیو اینالیٹکس کے ذریعے مانیٹر ہوگی
