ایک معاشی تھنک ٹینک نے کہا ہے کہ پاکستان میں سیلاب سے جی ڈی پی کی شرح 3.4 فی صد سے کم ہو کر 3.2 فی صد ہونے کا امکان ہے۔
تفصیلات کے مطابق معاشی تھنک ٹینک اکنامک پالیسی اینڈ بزنس ڈویلپمنٹ نے معاشی بحالی کے لیے شرح سود میں کمی کی سفارش کر دی اور کہا کہ سیلاب کے بعد شرح سود کو 9 اور پھر 6 فی صد پر لایا جائے۔
ای پی بی ڈی نے کہا کہ سیلاب کے بعد شرح سود کو 11 فی صد پر برقرار رکھنا ناقابل برداشت ہوگا، سیلاب سے جی ڈی پی کی شرح 3.4 فی صد سے کم ہو کر 3.2 فی صد ہونے کا امکان ہے، تجارتی خسارے میں بھی ایک ارب 90 کروڑ ڈالرز اضافے کا امکان ہے۔
تھنک ٹینک کے مطابق شرح سود کم کرنے سے برآمدات بڑھیں گی اور روزگار ملے گا، شرح سود کم کرنے سے حکومت کو 3 ہزار ارب روپے کی بچت ہوگی، بچت کے تین ہزار ارب سیلاب متاثرہ علاقوں کی بحالی پر خرچ کیے جا سکتے ہیں۔
تھنک ٹینک کا کہنا ہے کہ معاشی بحالی کے لیے صنعتی ترقی اہم ہے، صنعتی شعبہ سیلاب متاثرہ زراعت کے نقصانات کا ازالہ کر سکتا ہے۔ سیلاب سے زرعی شعبہ شدید متاثر ہوا، چاول کی 60، کاٹن کی 35 اور گنے کی 30 فی صد فصل تباہ ہو چکی ہے، اور سیلاب سے 40 فی صد لیبر فورس متاثر ہوئی ہے
