پاکستان کے آٹو سیکٹر کے لیے بڑی خبر!

پاکستان کے آٹو سیکٹر کے لیے بڑی خبر ہے کہ ٹرکوں اور بسوں کی فروخت ساڑھے پانچ سال کی بلند ترین سطح پر پہنچ گئی۔
پاکستان کے آٹو سیکٹر میں ٹرکوں اور بسوں کی فروخت 88 ماہ کی بلند ترین سطح پر پہنچ گئی ہے۔ ستمبر 2025 میں ان کی فروخت بڑھ کر 824 یونٹس تک پہنچ گئی۔
پاما کی رپورٹ کے مطابق رواں برس ستمبر میں ٹرکوں کی فروخت میں سالانہ 168 فیصد اور ماہانہ بنیادوں پر 22 فیصد اضافہ ہوا۔ ستمبر 2024 کے مقابلے میں ٹرکوں کی فروخت 272 سے بڑھ کر 730 ہو گئی۔
اسی طرح ستمبر میں بسوں کی فروخت میں سالانہ 100 فیصد اور ماہانہ بنیادوں پر 34 فیصد کا اضافہ ہوا۔ ستمبر 2024 کے مقابلے میں بسوں کی فروخت 47 یونٹس سے بڑھ کر 94 یونٹس ہو گئی۔
پاما کے مطابق اس سے قبل آخری بار مئی 2018 میں بسوں اور ٹرکوں کی فروخت 906 یونٹس پر دیکھی گئی تھی۔