راولپنڈی چکلالہ گیریژن میں پاک فوج کے 12 شہدا کی نماز جنازہ ادا کردی گئی۔
پاک فوج کے شعبہ تعلقات عامہ (آئی ایس پی آر) کے مطابق شہدا نے افغان رجیم کی بزدلانہ جارحیت کے خلاف دفاع وطن میں جام شہادت نوش کیا، نماز جنازہ میں فیلڈ مارشل عاصم منیر، وفاقی وزرا، گورنر کے پی، سول و فوجی حکام نے شرکت کی۔
آئی ایس پی آر کا کہنا ہے کہ نماز جنازہ کے بعد شہدا کے لواحقین کے لیے دعائیں اور خراج عقیدت پیش کیا گیا۔
ترجمان پاک فوج کا کہنا ہے کہ وزیر دفاع خواجہ آصف نے پاک فوج کے شہدا کو قوم کا ہیرو قرار دیا۔
خواجہ آصف نے کہا کہ پاکستانی قوم اپنے جانبازوں کی قربانیوں کی مقروض ہے، شہدا نے پاکستان کی علاقائی سالمیت کے دفاع میں جانیں نچھاور کیں۔
انہوں نے کہا کہ افغان رجیم کی بزدلانہ اور غدارانہ جارحیت کو پاکستانی افواج نے ناکام بنایا، بھارتی سرپرستی میں افغان سرزمین سے دہشت گردی کا بھرپور جواب دیا جائے گا۔
وزی دفاع نے کہا کہ افواج پاکستان قوم کی مکمل حمایت کے ساتھ ہر جارحیت کو ناکام بنائیں گی، پاکستان کے دشمنوں کی تمام سازشیں ناکامی سے دوچار ہوں گی۔
