نادرا نے اوورسیز پاکستانیوں کو جعلی ویب سائٹ کے ذریعے دھوکا دہی سے خبردار کر دیا۔
نادرا نے بیرونِ ملک مقیم پاکستانیوں خصوصاً برطانیہ میں رہنے والے شہریوں کو جعل سازی پر مبنی ویب سائٹ سے ہوشیار کر دیا۔
نادرا نے اہم اطلاع دیتے ہوئے کہا ہے کہ اوورسیز پاکستانی جعلی ویب سائٹ “نادرا کارڈ مرکز” سے ہوشیار رہیں۔
دھوکہ دہی میں ملوث ہے nadra.cardcentre.co.uk ویب سائٹ
اعلامیے کے مطابق جعلی ویب سائٹ شناختی کارڈ، نائکوپ، اور ملازمت فراہم کرنے کے جھوٹے دعوے کر رہی ہے۔ ان ویب سائٹس کا نادرا سے کوئی تعلق نہیں۔ ان پلیٹ فارم پر فراہم کی گئی ذاتی معلومات غلط استعمال کے خطرے سے دوچار ہو سکتی ہیں، اور یہاں دی گئی ذاتی تفصیلات شہریوں کے لیے نقصان کا باعث بن سکتی ہیں۔
نادرا نے قومی سائبر جرائم ایجنسی میں باضابطہ شکایت جمع کرا دی ہے۔
