نائب وزیراعظم اسحاق ڈار کی روسی صدر ولادیمیر پیوٹن سے اہم ملاقات

ماسکو: نائب وزیراعظم اسحاق ڈار کی روسی صدر ولادیمیر پیوٹن سے اہم ملاقات ہوئی ہے۔ رہنما نیوز کے مطابق نائب وزیراعظم و وزیر خارجہ اسحاق ڈار کی ماسکو میں شنگھانی تعاون تنظیم کے اجلاس کے موقع پر روسی صدر سے ملاقات ہوئی۔ ملاقات کے دوران پاکستان اور روس نے دو طرفہ اور علاقائی تعاون کو مزید مضبوط بنانے پر اتفاق کیا۔
دونوں ممالک نے توانائی، تجارت، علاقائی امن اور مشترکہ ترقیاتی منصوبوں میں پیش رفت جاری رکھنے کے عزم کا اظہار کیا، ملاقات کو خطے میں تعاون کے نئے امکانات کی جانب اہم قدم قرار دیا جا رہا ہے۔
ترجمان دفتر خارجہ کا کہنا ہے کہ ایس سی او رکن ممالک کے سربراہان حکومت کے وفود بھی روسی صدر سے ملے، پیوٹن نے تمام وفود کو خوش آمدید کہا اور خطے میں اقتصادی تعاون کے فروغ پر زور دیا۔
روسی صدر نے کہا کہ ایس سی او خطے کی مشترکہ ترقی، امن اور مضبوط معاشی روابط کے لیے اہم فورم ہے، جس کا کردار مستقبل میں مزید بڑھتا جائے گا۔