اداکارہ فرح سعدیہ کا کہنا ہے کہ ایک وقت میں سینکڑوں لوگوں سے بھی محبت کی جاسکتی ہے۔
فرح سعدیہ ایک سینئر پاکستانی اداکارہ اور میزبان ہیں جنہوں نے پی ٹی وی کے ڈرامہ سیریل بندھن میں مرکزی کردار کے ذریعے شہرت حاصل کی۔
بندھن کی شاندار کامیابی کے بعد، فرح سعدیہ پی ٹی وی کے دیگر ڈراموں میں بھی نظر آئیں۔ انہوں نے پندرہ سال تک مارننگ شوز کی میزبانی کی۔ فرح سعدیہ اعلیٰ تعلیم یافتہ ہیں، پی ایچ ڈی کی ڈگری رکھتی ہیں اور حال ہی میں انہوں نے نجی ٹی وی کے ڈراموں سے اداکاری میں واپسی کی۔
تاہم اب نجی ٹی وی کے شو میں اداکارہ نے کہا کہ پہلی محبت شادی کے بعد ہوئی تھی۔
انہوں نے کہا کہ میں نہیں جانتی لوگ محبت کسے کہتے ہیں لیکن مجھے شادی کے بعد محبت ہوئی، ہاں وہ مجھ سے محبت کرتے تھے لیکن مجھے شادی کے بعد محبت ہوگئی کیونکہ میں محبت کے خیال پر یقین رکھتی تھی، یہ میرے لیے بہت قیمتی چیز تھی، یہی کافی تھا کہ کوئی مجھ سے محبت کرے۔
فرح سعدیہ نے کہا کہ پہلے مجھے لوگوں سے محبت کی کوئی توقع نہیں تھی، اب میں نے خود سے محبت کی کوئی توقع نہیں رکھی۔ محبت میں تبدیلی جیسے کہ میں اپنی ماں، شوہر پھر اپنے بچوں سے محبت کرتی ہوں، اور ایک وقت آئے گا جب میں اپنی بہو سے محبت کروں گی، آپ ایک وقت میں سینکڑوں لوگوں سے محبت کر سکتے ہیں۔
