وفاقی آئینی عدالت کے ججز کا صدارتی آرڈر جاری

اسلام آباد : وفاقی آئینی عدالت کے ججز کا صدارتی آرڈر جاری کردیا گیا ،جس کے تحت عدالت چیف جسٹس سمیت 13 ججز پر مشتمل ہوگی۔
تفصیلات کے مطابق صدرِ مملکت آصف علی زرداری نے وفاقی آئینی عدالت کے ججز کے صدارتی آرڈر جاری کر دیے ہیں۔
ذرائع نے بتایا کہ وفاقی آئینی عدالت چیف جسٹس سمیت 13 ججز پر مشتمل ہوگی اور وفاقی آئینی عدالت اسلام آباد ہائی کورٹ کے ٹاپ فلور پر قائم کی جائے گی۔
ججز کی فہرست میں جسٹس علی باقر نجفی ، جسٹس حسن اظہر رضوی ، جسٹس روزی خان ، جسٹس کے کے آغا اور جسٹس عامر فاروق شامل ہیں۔
ذرائع کا کہنا تھا کہ یہ تمام ججز آئینی عدالت کے باقاعدہ فیصلوں میں حصہ لیں گے اور عدالتی کارروائیوں کا آغاز آئندہ دنوں میں متوقع ہے۔
یاد رہے جسٹس امین الدین نے وفاقی آئینی عدالت کے پہلے چیف جسٹس کےعہدے کا حلف اٹھالیا ہے ، صدرمملکت آصف زرداری نے چیف جسٹس امین الدین خان سے عہدے کا حلف لیا۔
دوسری جانب آئینی عدالت کے دیگر 6 ججز کی حلف برداری کی تقریب اسلام آباد ہائیکورٹ بلڈنگ میں منعقد ہونے کا امکان ہے، جہاں ججز اور ایڈمن بلاک کے درمیان اوپن ایریا میں انتظامات جاری ہیں۔چیف جسٹس امین الدین خان منصب سنبھالنے کے بعد دیگر ججز سے حلف لیں گے۔