عراقی فضائیہ کے کمانڈر لیفٹیننٹ جنرل مہند غالب محمد راضی الاسدی نے چیئرمین جوائنٹ چیفس آف سٹاف کمیٹی جنرل ساحر شمشاد مرزا سے جوائنٹ سٹاف ہیڈ کوارٹرز میں ملاقات کی ہے۔
پاک فوج کے شعبہ تعلقات عامہ (آئی ایس پی آر) کے مطابق ملاقات میں دونوں عسکری رہنماؤں نے عالمی اور علاقائی جیو اسٹریٹیجک صورتحال پر تفصیلی تبادلہ خیال کیا۔
اس موقع پر دوطرفہ تعاون کو خطے میں امن و استحکام کے لیے ناگزیر قرار دیا گیا اور دفاعی و سیکیورٹی تعلقات کو مزید وسعت دینے کے عزم کا اعادہ کیا گیا۔
عراقی فضائیہ کے کمانڈر نے پاک فوج کے پیشہ ورانہ معیار، دہشت گردی کے خلاف قربانیوں اور علاقائی امن کے قیام کے لیے پاکستان کی کوششوں کو سراہا۔
لیفٹیننٹ جنرل مہند غالب نے دہشت گردی کیخلاف پاک فوج کی قربانیوں و کارناموں کو سراہا، انہوں نے پاکستان کے خطے میں قیام امن کیلئے اقدامات کو بھی سراہا، جوائنٹ اسٹاف ہیڈ کوارٹرز آمد پر معزز مہمان کو گارڈ آف آنر پیش کیا گیا
عراقی فضائیہ کے کمانڈر کا جوائنٹ اسٹاف ہیڈ کوارٹرز کا دورہ
