انٹرنیشنل کرکٹ کونسل (آئی سی سی) نے امریکا کی رکنیت معطل کر دی ہے۔ یہ فیصلہ امریکہ کی جانب سے آئی سی سی سے کیے گئے وعدوں اور یقین دہانیوں پر عمل نہ کرنے کے باعث کیا گیا ہے۔
آئی سی سی کے مطابق کرکٹ امریکا نے اپنی ذمہ داریوں کی مسلسل خلاف ورزیاں کیں اور گڈ گورننس کے معیار کو نافذ کرنے میں ناکام رہا۔ علاوہ ازیں، امریکہ کی اولمپک اور پیرا اولمپک کمیٹی کے ساتھ نیشنل گورننگ باڈی کا درجہ حاصل کرنے میں بھی کوئی مناسب پیش رفت نہیں ہو سکی۔
معطلی کے بعد کرکٹ امریکا کے معاملات کی نگرانی کے لیے آئی سی سی کی نامیلائزیشن کمیٹی ذمہ دار ہوگی۔ آئی سی سی نے کہا ہے کہ کھلاڑیوں کے مفادات اور کرکٹ کے استحکام کو متاثر نہ ہونے دینا ان کی اولین ترجیح ہے۔
امریکہ کی قومی ٹیموں کو اولمپک گیمز 2028 کی تیاریوں اور آئی سی سی ایونٹس میں شرکت کا حق برقرار رکھا جائے گا۔
یاد رہے کہ سال 2024 کی آئی سی سی اجلاس میں کرکٹ امریکا کو اپنے معاملات درست کرنے کے لیے ایک سال کا وقت دیا گیا تھا، تاہم اس دوران مطلوبہ اقدامات نہ کیے جانے کی وجہ سے یہ سخت قدم اٹھایا گیا ہے۔
