فاطمہ ثنا نے آسٹریلیا سے شکست کا ذمہ دار کسے قرار دیا؟

پاکستان ویمنز ٹیم کی کپتان فاطمہ ثنا نے ورلڈ کپ میں آسٹریلیا سے شکست کا ذمہ دار بیٹنگ کو قرار دے دیا۔
کولمبو میں کھیلے گئے میچ میں آسٹریلیا کی جانب سے دیے گئے 222 رنز کے تعاقب پاکستان ویمنز ٹیم 36.3 اوورز میں 114 رنز پر ڈھیر ہوگئی اور کینگروز نے میچ 107 رنز سے جیت لیا۔
سدرہ امین 35 رنز بنا کر نمایاں رہیں، کپتان فاطمہ ثنا 11 اور نشرہ سندھو بھی 11 رنز بناسکیں، رامین شمیم نے 15 رنز بنائے۔
آسٹریلیا ویمنز کی جانب سے کم گارتھ نے تین کھلاڑیوں کو آؤٹ کیا، میگن نے دو وکٹیں حاصل کیں۔
انہوں نے کہا کہ پہلے 20 اوورز میں آسٹریلوی ٹیم پر حاوی تھے لیکن ہماری لڑکیوں کی انرجی کم ہوگئی اور مونی نے شاندار اننگز کھیل کر آسٹریلیا کا ٹوٹل 221 رنز تک پہنچا دیا۔
فاطمہ ثنا نے کہا کہ اگر آپ 20 اوورز میں ٹاپ پر ہیں تو آپ کو آخری گیند تک ٹاپ پر رہنے کی ضرورت ہے۔
کپتان نے کہا کہ مونی جس طرح سے کھیلیں یہ دیکھنا بہت اچھا تھا، ہم نے پچ کی وجہ سے بولنگ کرنے کا فیصلہ کیا تھا، یہ سست اور ٹرننگ وکٹ تھی،ہم جانتے ہیں کہ اسپنرز نے اچھی کارکردگی کا مظاہرہ کیا ہے یہی ہمارا پلان تھا جس میں کافی حد تک کامیابی ملی۔
انہوں نے کہا کہ آج بولرز سرفہرست ہیں، ہمیں بیٹنگ میں بہتری کی ضرورت ہے، ہمیں 190 سے 200 کو رنز بنانے ہوں گے۔
واضح رہے کہ پاکستان ویمنز ٹیم ورلڈ کپ میں اپنا اگلا میچ انگلینڈ سے کھیلے گی