شوبز انڈسٹری کے سینئر ادکار فیصل قریشی نے اداکارہ صائمہ قریشی کے بیان عورت کی کمائی میں برکت نہیں پر ردعمل دے دیا۔
فیصل قریشی ایک ورسٹائل اور باصلاحیت پاکستانی ٹیلی ویژن اور فلمی اداکار ہیں جو اپنی شاندار اداکاری کے لیے مشہور ہیں۔
انہوں نے متعدد ہٹ ڈراموں شاندار پرفارمنس دی۔
حال ہی میں فیصل قریشی پوڈ کاسٹ میں نظر آئے جس میں انہوں نے اپنی کزن صائمہ قریشی کے خواتین کی کمائی سے متعلق متنازعہ بیان پر اپنی رائے دی۔ صائمہ قریشی نے کہا تھا کہ خواتین کی کمائی میں برکت نہیں ہوتی۔
فیصل قریشی نے کہا کہ خواتین کی کمائی کے حوالے سے یہ صائمہ کا اپنا نقطہ نظر ہے، میں کیسے متفق یا اختلاف کر سکتا ہوں، یہ ان کی رائے ہے تاہم میں جو مانتا ہوں وہ یہ ہے کہ محنت سے کمایا گیا پیسہ اچھا ہے، اور مجھے نہیں لگتا کہ اس میں برکت کی کمی ہے۔
انہوں نے کہا کہ بہت سی ایسی خواتین ہیں جنہوں نے دنیا میں اپنا نام کمایا ہے ہر ایک کو اپنی رائے کی بنیاد پر زندگی گزارنی چاہیے۔ ان کے بارے میں فیصلہ کن طور پر آپ کسی اور کے تجربات کو چیلنج نہیں کر سکتے۔
