ای چالان سے بچنے کے لیے پولیس اہلکاروں نے موبائل سے نمبر پلیٹ ہٹا دی

کراچی میں ای چالان سے بچنے کے لیے پولیس اہلکاروں نے موبائل سے نمبر پلیٹ ہٹا دی۔
رہنما نیوز کے مطابق ای چالان سے بچنے کے لیے پولیس، ٹریفک پولیس اور ڈمپر ڈرائیورز نے انوکھا طریقہ اپناتے ہوئے گاڑیوں، موٹر سائیکلوں اور ڈمپرز سے نمبر پلیٹ ہی غائب کردی۔
شہریوں نے ویڈیو بنا کر سوشل میڈیا پر وائرل کردی۔
ڈمپر ڈرائیور شاہراہ قائدین اور جیل روڈ پر تیزی سے بغیر نمبر پلیٹ دوڑتے رہے، پولیس، ٹریفک اہلکار نے بھی موٹر سائیکل نمبر پلیٹ کے آدھے نمبر غائب کردیے۔
ای چالان سے بچنے کے لیے ڈیفنس میں پولیس اہلکاروں نے موبائل سے نمبر پلیٹ ہٹادی اور بغیر نمبر پلیٹ گاڑی میں ملزمان کو گرفتار کرنے لگی۔ادھر حسن اسکوائر پر بھی ٹریفک اہلکار ادھوری نمبر پلیٹ لگا کر گھومتا رہا، اب تک شناخت بھی نہ ہوسکی۔