ای چالان کی عدم ادائیگی پر ہزاروں گاڑی مالکان کو بڑی سزا!

ٹریفک پولیس نے ای چالان کی عدم ادائیگی پر ہزاروں گاڑی مالکان کو بڑی سزا دیتے ہوئے انکے لیے مشکل کھڑی کر دی ہے۔
رہنما نیوز کے مطابق ٹریفک کا نظام مینوئل سے بتدریج ڈیجیٹل کیا جا رہا ہے اور شفافیت کے لیے چالان بھی اب عام طریقے کے بجائے ای چالان جاری کیے جا رہے ہیں۔
پنجاب کے دل شہر لاہور میں ٹریفک پولیس نے ای چالان کی عدم ادائیگی پر 2546 گاڑیاں بلیک لسٹ کر دی ہیں اور ٹریفک وارڈنز کو نادہندہ گاڑیوں کو ضبط کرنے کی ہدایت جاری کر دی گئی ہیں۔
ٹریفک پولیس کا کہنا ہے کہ مذکورہ گاڑیاں سے 50 سے زائد ٹریفک قوانین کی خلاف ورزی کی، جس کے باعث 50 سے زائد ای چالان درج ہیں۔ ان چالان کی عدم ادائیگی پر گاڑیوں کو بلیک لسٹ کیا گیا ہے۔
پولیس نے بتایا کہ 2546 نادہندہ گاڑیوں کی تفصیلات کارروائی کے لیے ٹریفک وارڈنز کو بھیج دی گئی ہیں اور انہیں ان گاڑیوں کو ضبط کرنے کی ہدایات بھی جاری کر دی گئی ہیں