صبا قمر نے ڈرامے میں جذباتی کردار کے تجربے کے بارے میں بتایا
پاکستان کی معروف اداکارہ صبا قمر نے ایک ڈرامے میں ایسے کردار کو ادا کیا ہے جس میں انہیں جنسی زیادتی کا نشانہ بننے والی لڑکی کا روپ اختیار کرنا پڑا۔
صبا قمر نے اپنی انسٹاگرام اسٹوری میں بتایا کہ اس کردار کے جذباتی مناظر نے انہیں شدید متاثر کیا اور ہلا کر رکھ دیا۔ اداکارہ نے کہا کہ ایسے مناظر کو بار بار شوٹ کرنا آسان نہیں ہوتا کیونکہ ہر بار وہ درد، خوف اور ذہنی ٹوٹ پھوٹ دوبارہ محسوس کرتی ہیں۔
اداکارہ نے مزید بتایا کہ ان مناظر نے نہ صرف ان کے اعصاب بلکہ جسم کے لیے بھی بہت تکلیف دہ ثابت ہوئے۔ اس تجربے کے بعد صبا قمر نے اپنی صحت اور ذہنی سکون کی بحالی پر توجہ دینا شروع کی اور خود کو یاد دلایا کہ وہ مضبوط ہیں اور ٹھیک ہو جائیں گی۔
صبا قمر نے اپنے ساتھی فنکاروں شمعون عباسی، نادیہ خان اور عتیقہ اوڈھو کی جانب سے ان کے کردار کی تعریفوں پر شکریہ ادا کیا اور کہا کہ جب آپ کے ساتھی آپ کی محنت کو تسلیم کریں، تو یہ سب سے بڑا انعام ہوتا ہے۔
