کامیڈی کنگ عمر شریف کو مداحوں سے بچھڑے 4 برس بیت گئے

بے مثال اداکار اور کامیڈی کے بے تاج بادشاہ عمر شریف کو مداحوں سے بچھڑے 4 برس بیت گئے، ان کے برجستہ جملے اور مزاحیہ اداکاری آج بھی مداحوں کے ذہنوں پر نقش ہے۔
انیس اپریل 1955 کو کراچی کےعلاقے لیاقت آباد میں پیداہونے والے عمر شریف نے 1974ء میں اسٹیج پر کیریئر کا آغاز کیا عمرشریف نے تھیٹر،اسٹیج، فلم اور ٹی وی پر اپنی بے مثال اداکاری کے جوہر دکھائے لیکن ان کی بنیادی وجہ شہرت مزاحیہ اسٹیج ڈرامے ہیں۔ انہوں نے اپنے فن کے ذریعے دنیا بھر میں پاکستان کا نام روشن کیا۔
19 انہوں نے 1980ء میں پہلی بار آڈیو کیسٹ کے ذریعے ڈرامے ریلیز کئےجنہوں نے پاکستان کے ساتھ ساتھ بھارت میں بھی کامیابی کے جھنڈے گاڑھے۔ان کے مقبول ڈراموں کی ایک طویل فہرست ہے جن میں 1989 میں ریلیز ہونے والا مشہور مزاحیہ ڈرامہ بکرا قسطوں پر 1، 2، 3، 4، 5، بڈھا گھر پر ہے، میری بھی تو عید کرا دے، ماموں مذاق مت کرو اور دیگر شامل ہیں
عمر شریف صاحب نے 70 سے زائد ڈراموں کے اسکرپٹ لکھے جن کے مصنف، ہدایتکار اور اداکار وہ خود تھے اور ان ڈراموں نے مقبولیت کے ریکارڈ قائم کئے،معروف بھارتی مزاحیہ اداکار جونی لیور اور راجو شریواستو نے عمر شریف کی مزاحیہ اداکاری سے متاثر ہوکر انہیں ’’دی گارڈ آف ایشین کامیڈی ‘‘کا لقب دیا تھا۔
لیجنڈری کامیڈین و اداکار کو ان کی خدمات کیلئے تمغہ امتیاز سے بھی نوازا گیا تھا۔ عمر شریف 2 اکتوبر 2021 کو عارضہ قلب میں مبتلا ہونے کے باعث 66 برس کی عمر میں جرمنی میں دوران علاج انتقال کر گئے تھے۔ لوگوں کے چہروں پر مسکراہٹیں بکھیرنے والے کامیڈی کنگ عمر شریف کراچی میں عبداللہ شاہ غازی کے مزار کے احاطے میں مدفون ہیں
عمر شریف نے تھیٹر، سٹیج، فلم اور ٹی وی میں اپنے فن کا لوہا منوایا، طنز و مزاح کے منفرد انداز نے انہیں شہرت کی بلندیوں تک پہنچایا،