ننکانہ صاحب(3 نومبر 2025): بابا گورونانک کے 556 ویں جنم دن کی تقریبات کا آغاز ہوگیا، دنیا بھر سے سکھ یاتریوں کی آمد کا سلسلہ جاری ہے۔
سکھوں کے روحانی پیشوا گورو نانک کے 556 ویں جنم دن کی 3 روزہ تقریبات کا آغاز ننکانہ صاحب میں ہوگیا، جہاں یاتریوں کی آمد کا سلسلہ جاری ہے، اندرون و بیرون ممالک سے 30 ہزار کے قریب سکھ یاتری مرکزی تقریب میں شریک ہونگے۔
بھارت سے 2000 سے زائد سکھ یاتری واہگہ بارڈر کے راستے کل ننکانہ صاحب پہنچیں گے، بھارت سے آنے والے سکھ یاتریوں کے استقبال کی تیاریاں مکمل کرلی گئی ہیں۔
دوسری جانب ضلعی انتظامیہ کی جانب سے سکھ یاتریوں کی حفاظت کیلئے سیکیورٹی کے بھی فول پروف انتظامات کئے گئے ہیں، 5 ہزار سے زائد افسران و اہلکاران یاتریوں کی خدمت پر مامور ہوں گے، ضلعی انتظامیہ کی جانب سے سہولت مرکز، بینک اور منی ایکسچینج کا قیام کا انتظام بھی کیا گیا ہے۔
سکھ یاتریوں کے علاج معالجہ کیلئے گوردوارہ جنم استھان میں منی اسپتال قائم کیا گیا ہے، ساتوں گوردواروں میں ڈسپنسریاں اور ریسکیو کیمپ بھی قائم کی گئی ہیں، سکھر یاتریوں کیلئے لنگر کا وسیع انتظام موجود
گوردوارہ جات اور شہر بھر میں صفائی ستھرائی کے مثالی انتظامات کیئے گئے ہیں۔
ضلعی انتظامیہ کی جانب سے سکھ یاتریوں کیلئے فری شٹل سروس کا بھی انتظام کیا گیا ہے، جنم دن کی مرکزی تقریب 5 نومبر کوگوردوارہ جنم استھان میں منعقد ہوگی، ابا گورونانک کے جنم دن تقریبات چھ نومبر کو اختتام پذیر ہونگی۔
بابا گورونانک کے 556 ویں جنم دن کی تقریبات کا آغاز
