افغانستان میں انسانی حقوق کے معاملے پر اقوام متحدہ انسانی حقوق کونسل نے تحقیقات کا آغاز کر دیا۔
خبر ایجنسی کے مطابق جنیوا میں قائم انسانی حقوق کونسل نے افغانستان میں مبینہ مظالم کے ثبوت جمع کرنےکا فیصلہ کیا ہے۔
یہ فیصلہ یورپی یونین کی جانب سے پیش کی گئی قرارداد کے متفقہ طور پر منظور ہونے پر کیا گیا ہے۔ قرارداد میں افغانستان کےلیے ایک آزاد تحقیقی کمیشن کے قیام کی منظوری دی گئی۔ کمیشن انسانی حقوق کی پامالیوں سے متعلق شواہد جمع اور رپورٹ تیار کرے گا۔
افغانستان میں خواتین کے حقوق کی کارکن نے ترجمان طالبان کے سامنے ہاتھ جوڑ لیے
خبر ایجنسی کے مطابق 47رکنی انسانی حقوق کونسل نے قرارداد کو ووٹنگ کے بغیر منظور کیا۔ قرارداد کا مقصد طالبان حکومت کے دور میں انسانی حقوق کی صورتحال کا جامع جائزہ لینا ہے۔
اقوام متحدہ ماہرین کے مطابق خواتین، صحافیوں اور اقلیتوں کیخلاف زیادتیاں بڑھ رہی ہیں۔
اس سے قبل یو این ویمن ایگزیکٹو ڈائریکٹر سیما بہاؤس نے افغانستان میں لڑکیوں کی تعلیم پر پابندی سے متعلق خبردار کیا ہے۔
غیر ملکی ذرائع ابلاغ کے مطابق یو این ویمن ایگزیکٹو ڈائریکٹر کی جانب سے افغان لڑکیوں کے بنیادی حقوق کی فوری بحالی کا مطالبہ کیا گیا ہے۔
سیما بہاؤس کا کہنا تھا کہ لڑکیوں کو تعلیم سے محروم رکھنا نسلوں تک اثرات مرتب کرے گا، افغانستان کی لڑکیوں کو فوری طور پر اسکول واپس جانے کی اجازت دی جائے
